相信大家都知未來嘅生活都會更加進入「虛擬」世界，繼日前香港金管局發出虛擬銀行牌照後，今日就有首間虛擬保險公司 Bowtie (保泰) 舉行記招宣佈正式推出。話明虛擬保險公司，所以主要保障計劃都可以自己上網買，無須再經由保險經紀手。
Bowtie 同傳統公司一樣設有客戶中心、熱線、電郵及即時線上查詢等，不過最大特色係無保險經紀，大家全程於網上就可以手機或電腦即時投保、核保及索償等。而且投保人無需驗身或提交表格，投保時間由過往至少三天大大縮短至最短十分鐘。
該公司表示，採用「虛擬」經營模式可以善用科技去減低營運成本，免除經紀佣金，令產品性價比更高。另一特色係推出 BowtieCash 獎賞計劃，如有醫療費用超出「Bowtie 自願醫保計劃」賠償差額，就可以用 BowtieCash 找數。
「自願醫保計劃」係今次保泰初推出時嘅主要產品，保證續保至 100 歲，詳細資料及保障表可參考下圖：
