iPhone 一年貴過一年，今年嘅 512GB iPhone Xs Max 加埋 AppleCare+ 一齊買嘅話，更加高達 HK$14,387，實在嚇人。如果手頭緊但又真係好想出新 iPhone 嘅話，最好當然係上台出機。因為上台出機一來可以用「供機」形式月供唔太覺得大壓力，二來甚至可以做到零機價。小編知道有電訊公司今年全線 iPhone 均有 $0 機價出機，仲推出破格「出機連攞錢計劃」，加埋其他附加服務都可以話係一個唔錯嘅選擇。
講緊嘅就係 3HK 嘅 iPhone Xs 及 iPhone Xs Max 出機上台月費計劃，今年月費同樣有四個選擇，分別係 $298、$408、$538、$728。就等小編同大家分析一下佢地上台月費計劃各項賣點，睇下又啱唔啱你心水。
抵玩入門價，平均月費低至 $171 出 iPhone Xs
先來講講 $298 入門計劃，計劃包括咗每月 1GB 基本數據 另加 4GB 合約期內上台獎賞數據，另外還有 500MB 中港澳三地共享數據。即係話，總數共有每月約 5.5GB 數據用量。如果以最平嗰部 64GB iPhone Xs 為例，幫大家計一計，扣除機價後平均月費只需 $171。計算公式如下：
($298 + $18 行政費 ＋ $39 增值服務) x 24 個月合約 + $4,180 上台機價 – $8,599 iPhone Xs 淨機價 / 24 個月 = $170.88
全線 iPhone 型號均有 $0 機價
iPhone 售價屢創新高，如果想出高容量型號的話，一次過付款買機荷包真係有壓力。所以，大家其實可以考慮上台以「$0機價」出機。3HK 今年推出嘅 iPhone Xs 及 iPhone Xs Max 上台計劃中，如果選用 $538 或 $728 月費的話，每個容量型號都有「$0機價」選項，絕對有得揀。
以最多人買嘅 iPhone Xs Max 256GB 為例，選擇 $538 月費簽約 36 個月，或者選用 $728 月費簽約 28 個月，均可以做到「$0機價」出機。又等小編幫大家計一計實際上每個月平均費用：
($538 + $18 行政費 ＋ $39 增值服務) x 36 個月合約 + $0 上台機價 – $10,799 iPhone Xs Max 256GB 淨機價 / 36 個月 = $295
每月高達 3GB 「中‧港澳」共享數據
睇完「$0機價」月費後，我地又再睇睇咁其實個 Plan 包咗啲乜？同樣以 $538 或 $728 月費為例。$538 月費本地數據用量為每月 6GB 再加 合約期內額外多 6GB，合共 12GB。加上，呢個月費仲會送多每月 2GB「中‧港澳」共享數據，以及首 12 個月 3 地任用 WhatsApp 及 WeChat 數據，等大家返大陸都可以唔使翻牆上 WhatsApp、Facebook 等，於「1小時生活圈」內連繫無間。
如果係揀最高嘅 $728 月費，基本加埋合約期內額外本地數據，每月合共就有 20GB。另外，會再送多 3GB 「中‧港澳」共享數據。當然，同樣會有 3 地任用 WhatsApp 及 WeChat 數據，而且仲係合約期最少 24 個月內任用。
不過，對於數據大胃王來講，14GB 同 23GB 都可能唔夠用。咁點算？好簡單，每個月加多 $50 蚊就可以升級到任用數據，咁就一定夠啦！
跌爆唔心痛，因為有四大星級貼心保障
自從上年 iPhone X 開始，售價已經過萬港元，今年就更加貴。所以話，如果部愛機有咩意外真係會心痛死。而家揀 3HK 個 $538 連「任用數據王」或 $728 月費就得，因為仲會再送四大星級貼心保障。
呢個四大星級貼心保障，包括：3HK 及蘇黎世保險提供的「手機安心保」」，手機意外損毀時可獲得 90% 維修費用作一次性賠償、免費 Casetify 自訂 Vegan 皮革手機殼、每月 $28 的「換機王」 舊換新服務，換機無需再約疊約、合約期內以 $68 x 24 期，換購原價 $1,888 的 AppleCare+，替手機保平安。
iPhone Xs 孖機 $0 機價
所謂好事成雙，如果咁啱你係滙豐卓越理財信用卡持卡人，而你又咁啱要出多部 iPhone 俾女神嘅話，大家其實可以考慮佢地個雙 iPhone 上台月費計劃。基本月費為 $1,388，包一張主 SIM + 2 張副 SIM 俾你自由分配使用。呢個計劃吸引點係可以「$0 機價」出兩
其他計劃內容包括每月任用本地數據，每月 20GB 中港澳共享數據，以及首 12 個月 3 地任用 WhatsApp、WeChat 數據等。另外仲有優越漫遊禮遇，畀你喺全球超過 100 個旅遊熱點任用數據，真係漫遊 SIM 卡或者租用 Wi-Fi 蛋嘅錢都可以慳返，另外仲有每月 2 次航空數據漫遊日費計劃等，陪你玩勻全世界！
新玩法！$0 蚊出手機仲可以提取額外現金
出機不一定要出錢，3香港最近與 WeLend 推出 3Money「新機‧現金雙享」計劃，為3香港客戶提供一個出機新玩法。
客戶於網上申請零息1分期出機，即時知道審批結果2後，即可用 $0 出iPhone XS 或 XS Max 等指定手機的同時，更可以享有零息1提取額外現金，金額高達全單價值的 2 倍。客戶更可選擇 60 個月的供款期，每月更輕鬆。想瞭解更多計劃詳情，即按。
資料由客戶提供
