Samsung Galaxy Note 系列自推出以來，香港朋友最期待嘅當然係等到第 9 代。Note 9 上星期已經喺美國發佈，而台灣今日亦都搶先香港一步舉行咗發佈會。規格上相信大家都已經知道，淨低要關心嘅就係售價。
當日美國推出時，Samsung 已經公佈咗美國售價，128GB 版為 US$999.99，512GB 達 $1249.99。雖然都可以作為一個參考值，不過來到香港始終唔同。
而今日連台灣亦都公佈咗售價，可以俾多一個價錢大家參考。分別係：6GB RAM + 128GB 為台幣 $30,900，換算港幣係 $7,866。至於 8GB RAM + 512GB 版為台幣 $38,900 即港幣 $9,900，售價方面同以往消息吻合。
香港方面，將會喺 8 月 23 日舉行發佈會，屆時再同大家更新確實售價。
