世界盃熱潮過後，令到一眾球迷失落了好一陣子。不過，八月開始歐洲各大足球聯賽又緊接開鑼，足球氣氛又再一次高漲。今日 Now TV 舉行咗節目巡禮，同時都公佈咗相關收費。而世界盃期間推出左 Now E 平台並以通行證 Pass 成功吸客，今次「英超」及「西甲」亦都有喺呢個平台推出，照樣買 Pass 就可以開賽後隨時有得睇。
Now TV 公佈獲得新一季 5 大歐洲足球聯賽播映權，包括英超、西甲、德甲、意甲、法甲等，另外仲會送上美職聯、澳職聯等賽事。收費方面，Now TV 新客戶月費 $398 免 2 個月月費，而轉台客月費就 $328 免 4 個月月費。
同時，今年世界盃期專為電腦、手機、平板、TV Box 用戶新開設嘅 Now E 平台，都加入左「英超」及「西甲」2018/19 賽季播放，而且同樣推出了以 1 日、1 月、1 季計算嘅 Pass 通行證。收費方面分別係：$68 、$158 、$1,280。同樣地，一個帳戶可以同時兩個裝置直播，最多可登記五部裝置。
▲ 季賽通行證，亦可經由 Now E app 內購買
另外，同世盃時一樣都有一個 TV 盒組合包。售價 HK$1,780 包括一部 Now E Android TV Box 、「英超」及「西甲」2018/19 賽季通行證、12 個月免費收睇 Viu 劇集等。
