現時大家無論用社交 App 或者即時通訊類 App，好多時都會睇到朋友分享的影片。為咗可以方便睇，唔少程式都已經一早加入畫中畫播放功能。而一向動作比人慢 N 拍的 WhatsApp 終於都正始測試相關功能，以後大家睇片就唔使跳出去。
如果你是 iPhone 用戶，在 WhatsApp 上只要配合 iPhone 的 3D Touch 其實一早已經可以用到畫中畫功能。而據 wabetainfo 消息，WhatsApp 近月來正在積極為 Android 版測試加入畫中畫功能，目的就是讓大家在播放如 YouTube 一類的影片時，可以開啟畫中畫模式觀看，咁就唔使每次都要跳去 YouTube App 度播放。
這次測試版本號是 2.18.234，現時已經為加入了測試計劃的用戶推出測試。由截圖可見，畫中畫直接在 WhatsApp 相同介面上顯示，可以根據影片直倒或是橫倒來顯示，而且亦都可以放大至全畫面。
相關文章：WhatsApp 正式測試貼圖功能，第一套 Sticker 主角是….大便！
加入畫中畫後，減少離開程式的確好方便，只是目前不知道還要再測試多久才推出。就如上文所講，WhatsApp 的更新動作一向比其他人慢 N 拍，所以大家還是要再等等吧！
