港珠澳大橋雖然問題多多,不過即將開通就已是事實。有新基建自然就有新設施配合,現時香港各家網絡商都紛紛舖設發射站。今日 3HK 率先開記招宣佈,已完成大橋香港段嘅網絡建設工程,其 4.5G 網絡已經覆蓋橋面及周邊等設置。

為配合大橋通車後所帶來嘅商機,3HK 就新推出咗「共享大中華」月費計劃,月費分為 $188、$238 及 $328,數據量每月分別有 4GB、8GB、12GB,可以喺中國內地、香港、澳門以及台灣四地共用。而 8 月 31 日前上台就會每月額外送多 1GB。另外,首 12 個月再送 4 地任用 WhatsApp、WeChat、LINE 等服務數據。

▲ 「共享大中華」月費計劃

除「共享大中華」月費計劃外,3HK 今年年頭推出嘅「Fun 享。中港澳」計劃今次都優惠升級。同樣要係喺 8 月 31 日前,帶號碼轉台選用指定計劃,可獲得額外 1GB 共享數據,令到中港澳共用數據總數增至 3GB。

▲ 「Fun 享。中港澳」限時優惠升級

仲有一樣野值得 3HK 用戶留意, 相信各位 3HK 用戶都有收到通知,佢地以前出嘅 3Meter App 已經停用,轉左一個新 App 叫「My3」App。 而家用新 App 會 1GB 送本 4.5G 全速數據,而今次配合港珠澳大橋新 Plan ,大家用呢個「My3」等條橋正式開通之後,就會額外送多 1GB 中港澳數據。如果你現時作為 3HK 用戶,無論新舊都好,可以去 Download 個 「My3」來用啦!

_______

更多平台立即 Follow:Qooah IG (@qooah)Qooah YouTube,八掛產品發佈會現場,睇盡靚靚 Show Girls