臨近農曆新年，相信好多香港朋友都會出外旅遊。其中近近地的澳門或大陸都係唔少人選擇之一。短期旅行還好，但係如果你需要經常往返中港澳三地，甚至長駐大陸的話，相信最頭痛的必定是上網問題。所以，若然你正正係為上網苦惱的話，最近有網絡商推出咗個破格新 Plan，去到大陸都可以照上 Facebook、Instagram 及 WhatsApp 等，相信就最啱用，一齊睇睇。
SIM 月費 $198 起，加送 2GB 中港澳共用數據
上年香港幾間網絡商紛紛重推無限上網計劃，其中 3HK 推出的「無憂數據計劃」月費 $288 即可享用 4.5G 全速無限數據。而 2018 年一開始，3HK 再推出一個加強版叫「Fun享．中港澳」嘅新 Plan，其中最大賣點係同「無憂數據計劃」月費相同，但如果係轉台及特選現有客戶選用指定月費計劃，合約期內每月會加送 2GB 中港澳共用數據。
「Fun享．中港澳」新 Plan 同樣設有三個月費可供大家選擇，分別係帶號碼轉台只出 SIM 卡，或加買指定型號智能手機上台。以 SIM Only 為例，月費分別為 $198、$228、$288，另加 $18 行政費及簽約 24 個月。三個月費的香港本地數據加上合約期內額外加的送數據分別有 8GB、13GB 及 無限。即是話，如果再加埋 2GB 中港澳共用數據，三個月費計劃合共可用數據就係 10GB、15GB 及 無限。
首 12 個月送中港澳 3 地任用 WhatsApp + WeChat
今次 3HK 推出呢個「Fun享．中港澳」吸引之處，除咗月費不變、加送 2GB 中港澳共用數等你去澳門或中國大陸都可以如常照用 Facebook、Instagram、Google 等之外，合約期內首 12 個月仲會再加送「3 地任用 Chat 數據」。意思係，首 12 個月內無論喺中港澳三地用 WhatsApp 或 WeChat 都係免扣數據用量任用，包括送傳文字、相片、短片分享、視像通話等唔使換卡，就好似喺香港一樣。
農曆新年限定！再送內地號碼畀你 Call 的士、使用共享單車
除以上提及之外，今次 3HK 喺農曆新年期間，仲會特別加送首 2 個月「內地號碼及通話組合」，即係送你一個中國內地電話號碼及每月 30 分鐘嘅內地通話分鐘。通話分鐘睇落雖然唔多，不過咁，大家現時其實主要都係訊息為主，所以有埋呢個內地電話號碼及通話組合，就會更加方便。因為，起碼你可以用來開通電子支付預約的士、致電餐廳訂座又或者使用共享單車等等，新年期間前往內地旅行就唔使再買多張大陸卡啦！
一個月費計劃，切合本地或三地穿梭人士
由於 3HK 新推出呢個「Fun享．中港澳」計劃係「無憂數據計劃」加強版，所以就算你只係本地使用而無須去澳門或返大陸都好適合。點解咁講？咪就係因為呢個計劃月費本身個價錢相同，但又再多 2GB 中港共享數據以及首 12 個月 WhatsApp、WeChat 任用。所以，本地用戶變相係相同月費多咗數據畀你用，但如果係有需要去澳門或大陸的話，咁就唔使再買漫遊數據卡，點用都咁方便。
