講起手機上網速度,香港對比起好多地區已經算係好快,不過由於人口及建築密度太高,電訊商鋪設網絡時都受到唔少挑戰,尤其係大部份人每日都要依賴嘅交通工具「港鐵」。好多人每日無論返工、返學都係搭港鐵,如果手機經常上唔到網,連覆個 WhatsApp 都唔得的話,絕對係會令人沮喪到極點。

同一車廂,點解有人上唔到網有人上到仲好快?

需知道好多比較舊嘅港鐵站早年鋪設網路只能應付 2G 及 3G 網絡,所以一多人用就會大塞車。據知前年開始已經有網絡商將 3G 用嘅頻譜作出優化重整,提供 4.5G 服務,你只需有部支援相關頻段嘅 4G LTE 手機就可以用到。換句話講,只要揀啱台就可以暢順上網。

最近見到 SmarTone 嘅廣告提過自己喺港鐵嘅優勢,我地就來個現場測試,睇睇究竟係咪真係喺港鐵上網超強。

有好的真實使用者體驗,先至係好網絡

一般做網絡速度測試都離不開裝個 Speed Test App,讀者相信都見過好多。不過,呢類 App 只能夠顯示理論速度,唔夠實際。一個好嘅網絡必須要符合真正使用者體驗,例如睇片要 Load 得快之餘又唔會窒,開 Email 附件越快越好, Upload 相上 Facebook 當然亦要夠快,睇新聞網站最好就秒速唔洗等。所以,今次講明係「真實使用者體驗」,我地都唔介意花多啲時間,做多啲功夫去做測試。我地去現場用 iPhone X 及 Galaxy S9+ 去試以上提及嘅野,包括:收發 4MB 電郵附件、Facebook Upload 一張 5MB 相、瀏覽網頁睇新聞以及 YouTube 睇 1080p 全高清影片等等。

我地揀左幾個較繁忙嘅車站:太子、油麻地、金鐘、北角、將軍澳,橫跨九龍至港島三條港鐵綫。為咗令今次測試更加全面,我地分別喺大堂、月台以及行車中的車廂做測試,等大家睇下SmarTone係咪已經做到快速、穩定及流暢嘅上網體驗。

註:為咗唔影響到其他乘客及方便進行拍攝,測試位置都選擇在車頭或車尾。而每當有列車到站我地都稍為停一停拍攝,以避免拍攝到乘客面貌而侵犯他人私隱,所以現場人流比起畫面所見實際多出很多。

第一站:太子站大堂

來到太子站大堂,已經人來人往。我地先試傳送 4MB 附件檔嘅電郵出去,結果所見 7 秒內就send出。再來是 Facebook 上傳一張 5MB 相片,3 秒內就完成,極快!試埋瀏覽網頁睇新聞,一按內容即彈出來,好爽!睇 YouTube 開 1080p 又點?都唔洗等load、唔窒、全無起格喎!

▼ 影片實時記錄

第二站:油麻地站月台

跟住下一站到油麻地,測試項目一樣係傳送電郵、Facebook Upload 相、睇新聞、睇片等。測試結果同太子相若,傳送電郵唔洗 10 秒、Facebook Upload 5 秒內完成,都算係極速完成,試左幾次結果都一致。

▼ 影片實時記錄

第三站:金鐘站月台

作為港島線、南港島線及荃灣線轉車大站嘅金鐘站,同樣測試四個項目,結果明顯,同上面兩個站表現一致,Facebook Upload 相仍然秒速完成,而瀏覽網頁亦是即開即顯示,YouTube 播高清影片同樣極清晰流暢,整體體驗依然很爽快很順。

▼ 影片實時記錄

第四站:北角站月台

試完金鐘我地再沿柴灣線來到北角站,亦即是港島線嘅另一個繁忙轉車站。測試結果都係跟上面幾個站一致,瀏覽網頁、睇新聞片、睇 1080p 影片即開即播、完全唔窒。

▼ 影片實時記錄

第五站:由北角至將軍澳行車車廂中

試完幾個車站,上網體驗都好一致。車廂入面行緊車過緊海又如何呢?當然要上車試一試啦,測試項目一樣。結果所見,又真係好穩定喎,傳送電郵唔洗 10 秒完成,Facebook Upload 相、瀏覽網頁依然係極快,YouTube 播高清片都係唔會窒!

▼ 影片實時記錄

第六站:將軍澳站月台

來到將軍澳當然都人來人往,即刻測試四大項目。結果仍然係冇令人失望,依然保持 4.5G 嘅優勢,同上面幾個站都保持到一致嘅全面用戶體驗,可見 SmarTone 嘅 4.5G 網絡在港鐵站內已經好穩定。

▼ 影片實時記錄

總結:

我地今次將重點放在「真實使用者整體體驗」上。當完成以上多個車站月台、大堂以及行駛中嘅列車車廂裡面測試後,可以感受到上網速度夠快、夠順暢,而且在不同的地點都表現穩定,真係好爽。

我們曾向 SmarTone 工程部門了解過,得知佢地早於 2016 年底已經同港鐵合作,除了 900MHz、1800MHz、2100Mhz 等頻譜外,再增設 2600Mhz,並已在新落成車站例如南港島綫、西港島綫及觀塘延綫等使用。而 SmarTone 亦會適時調控網絡,令到大家無論身處不同車站及不同時間都能夠獲得更穩定暢順嘅上網體驗。

現時市場上嘅 4G LTE 手機已普遍支援 3CCA 三頻譜,由 2017 年下半年開始所推出嘅高階手機更陸續支援 4CCA 四頻譜。由此可見,如果你已經有一部支援 3CCA 或以上嘅 4G LTE 手機,搭港鐵時仲係上唔到網就要諗下轉台啦!

 

 

<資料由客戶提供>

Like
Like Love Haha Wow Sad Angry

為你推薦更多文章:

發表意見

最新文章

小米8 開箱測試:不完美的完美

說到早前終於在港台推出小米8,今次小米做跳級生,由...

Apple Watch 貼心新功能:小姐,該塗防曬霜了!

作為 Apple 的一款智能手錶,Apple Wa...

真的做出來了:鋼鐵俠 (Iron Man) 飛行套裝倫敦試飛演示!

相信 Marvel 迷都看過鋼鐵俠 Iron ma...

Windows 10 月經更新又出事,小心 KB4345418 及 KB4054566

大家平時使用電子產品時,都會對自己使用的應用程...

小米將於 7 月 23 日發佈「米家互聯網冷氣機」!

大約在去年小米宣佈與美的建立合作關係,而外...