2018 世界盃過多兩個月就會喺俄羅斯舉行，距離開波日子漸近相信各位球迷都諗定去邊度睇波。由於今屆世界盃香港主播權由 HKT 旗下嘅 Now TV 投得，所以要睇足 64 場直播只好申請相關服務。稍早前我地報導過，Now TV 推早鳥優惠價，$280 就可以睇 64 場 4K 世界盃直播！不過，今日該公司再公佈另一項優惠，連早鳥優惠的 $280 都可以慳返！
HKT 今日宣佈，現凡於 csl. 及 1010 新上台、續約或加簽指定 6GB 或以上服務計劃用戶，就可以獲得價值原價 $980 嘅 Now 2018 足球盛事手機版通行證。不過見到「手機版」三個字唔洗緊張住先。因為佢地仲註明，其實可以透過 Now 指定應用程式，就可以喺手機、平板電腦 或者係網站 (支援手機或平板等裝置瀏覽器) 收睇。咁電視呢？其實只要手機播到，大家就自然可以用一類 Mirror 串流技術或者視訊輸出線材等接駁到電視畫面上欣賞啦，咁當然畫質就一定唔會去到 4K 架啦。
俾埋個主要賽事表大家參考下：
