市場上好多人都會話,大陸電子支付好先進,連出街買個蕃薯都可以用手機畀錢,聽落係好似好勁。今日香港八達通公司都宣佈,去年 11 月底推出的「商用版八達通 App」都作出更新,更聯同全港報販大聯盟合作,以後出街買份報紙都可以「嘟一嘟」畀錢。

「商用版八達通 App」即是商家版本,可以讓一般小企業或如的士、報販這些行業都可以透過手機來收錢,從而代替以往需要租用八達通讀卡機的模式,令到經營成本大大減低。

今日八達通公司就宣佈同全港報販大聯盟合作,讓旗下 400 多個報攤引入升級版的商用八達通 App。而報攤店主只要經過簡單的手機設定後,就可以用一部提供 NFC 功能的手機/流動裝置來收錢。而市民就可以用現有的八達通、或者支援 Smart Octopus 的手機拍向商戶的 NFC 流動裝置就即可「嘟」卡畀錢。

不過,目前仍處於發展期。的士行業似乎未接受到新支付模式,而報攤首階段選擇由旺角開始推廣至全港其他地區。加上,使用「商用版八達通 App」需要網絡連線才可使用,速度上一定不及實體讀卡機。所以最後其他報販會唔會都願意加入今次呢個八達通支付行列呢?睇來還要一段時間後才知。

_______

Qooah 現已登陸 MeWe,立即 Follow:https://mewe.com/p/qooah

更多平台立即 Follow:Qooah IG (@qooah)Qooah YouTube,八掛產品發佈會現場,睇盡靚靚 Show Girls