上年香港幾間主要網絡商都紛紛宣佈備戰 5G 網絡，開始佈處相關配套及測試訊號等。而唯一擁有 900、1800、2100、2300、2600 MHz 五段頻譜嘅 3HK 今日就宣佈正式啟動 5CC 載波聚合網絡技術，提供超級 4.5G 服務並準備好迎接 5G 年代來臨。
5CC 載波聚合網絡技術透過整合多個不同頻段的頻寬來提升網絡速度，令數據傳輸更加穩定。上年 3HK 同華為合作升級網絡，透過多項網絡技術，如 4×4 MIMO、Massive MIMO 及 256QAM 等令速度提升。據官方測試所得，理論最高速度可達 1.1Gbps，照字面睇可能快過唔少人屋企條寬頻上網線。
5CC 最高速度 1.1Gbps 對比起 1CC 最高速度 150Mbps 快幾多？官方就為我地提供了測試數據，表示平均快成 7 倍。當然都係理論值，大家可以參考一下：
網絡方面雖然已經準備好，不過現階段市面上只得 Samsung 最新推出的 Galaxy S9 及 S9+ 支援 5CC CA 載波聚合技術。然而港版 S9/S9+ 採用 Snapdragon 845 處理器，其 5CC 技術只限於 2×2 MIMO，令到速度未能達到上限。
▲ 現場訊號測試圖，展示出五條頻譜的表現
▲ S9+ 現場訊號測試所見，下載速度接近 500Mbps，未能完全發揮到理論最高速度
隨住 5G 網絡嘅備處，相信各大手機品牌今年新推出的旗艦型號都會陸續加入 5CC 載波聚合網絡技術支援。不過按現時 Roadmap 來睇，要 5G 全面普及相信仍然要等多一年半至兩年時間。除了各大 Android 廠外，Apple 上年開始都已經獲準了進行 5G 網絡測試。相信今年九年推出嘅新一代 iPhone，或會加入支援行列。
