去年本地電訊商數碼通成立姊妹公司「自由鳥」首推旅遊 SIM,相信本站讀者們都有印象。而今年一開始新成立公司已密密佈處市場,今日就宣佈推出「自由鳥 Mobile」,想打造一個全 Online 無實體店的經營模式,仲派 SIM 卡等大家一齊試用。

數碼通成立姊妹公司,此舉有如 csl. 加推的 Club SIM 針對娛樂型市場 或 3HK 推出的 3Gamer SIM 針對遊戲玩家市場的做法。不同的是,數碼通希望藉由另一個品牌名去打造一個全新市場,藉此吸納「遊離人士」或到香港旅遊的客戶群,當然香港朋友都可以當佢係 Second SIM 用。

新推出的「自由鳥 Mobile」一切申請經由官方網站或 Android/iOS 手機程式進行,沒有實驗店。所以,此 SIM 賣點就是無合約、無行政費、隨時都可以申請。另外,即日起至 3 月 25 日,首兩個月會免費送 SIM 卡俾大家試用。而試用期間大家只需要成功登記,每個月就可享 5GB 4G 21Mbps 速度的數據,合共 10 GB。不過每月首 5GB 過後會被限速度 128Kbps 無限使用,加上試用期只去到 3 月 25 日,即是話遲申請可享用的免費試用數據或會減半。

▲ 服務透過手機程式直接開通及查詢,由於沒有實體店的關係,遇上任何問題要找客服都要經過此 App 進行。提提大家,由於「自由鳥 Mobile」同數碼通是「分開」的,所以有問題佢地話數碼通都幫唔到大家,一定要搵返佢地處理。

如果你之前已經有用「自由鳥」漫遊 SIM 的話,同樣可以透過官網或新 App 作出登記,令到一張卡有齊本地試用數據及原有的漫遊服務。另外值得一提,「自由鳥 Mobile」新 SIM 有個叫「數據P2P」的賣點,意思是你可以將用唔晒的數據轉送畀朋友,同樣亦可以由朋友接收到額外數據,大家開心 Share。

速度實測:

▲ 於銅鑼灣鬧市用 OFCA 測到下載速度只有 9.36Mbps,上載速度 15.8Mbps

▲ 再用 Speedtest 作測試,結果相若。下載為 10.55Mbps,上傳 16.40Mbps

速度方面,可見是略為偏低的。目前官方對於日後收費仍然是絕口不提,試用期過後如果到時價錢不吸引,相信都難以獲得支持。不過有免費數據大家都可以試下。暫時只接受香港身份證登記,日後據聞會開放用護照登記,甚至連回鄉證都有可能,因為吸引遊客使用似乎都係其發展目標用一。

「自由鳥 Mobile」APP 下載:

 

_______

Nokia X20 開箱評測:扮豬食老虎!? 4系5G機有咁嘅性能!! 三千有找仲有2年保!!

買手機的時候,大多人都會參考處理器的名字及鏡頭像素...

Qooah 現已登陸 MeWe,立即 Follow:https://mewe.com/p/qooah

更多平台立即 Follow:Qooah IG (@qooah)Qooah YouTube,八掛產品發佈會現場,睇盡靚靚 Show Girls