潛左水一段時間嘅小道又返來啦！遊走左一輪之後，呢排同好多人一樣都十分關心 iPhone X 嘅炒賣消息。近一個星期 iPhone X 炒價不跌反升，而且越升越有，搞到又多左人每朝早 iReserve，不過原來暗湧已經殺到，各位 Strong Hold 嘅朋友要留意啦。
小道透過電信商高層朋友口中得知消息，話新一批上台機大貨今日到，相信場中已經有唔少舖頭收到風，iPhone X 回收價由琴晚開始就已經有所回落，所以相信今日個價仲會 Keep 住跌。
再加上，之前我地都有同大家提過，18 號將有另一批 AOS 大貨到，所以呢兩日個價錢必定大副調整，有機會跌出早幾日嘅升幅，甚至係跌穿 IPO 都唔出奇，所以想炒機嘅話大家自己留意啦！
