今個月香港各大電訊公司先後宣佈無限數據計劃回歸,各自搶客招數實在可以用「精彩絕倫」來形容。月初時先由香港電訊 HKT 旗下的 csl/1010 出手宣佈數碼通及香港寬頻用戶轉台享免費升級無限數據優惠,隔日數碼通出手反擊,隨後再到 3HK 加入戰團。而今日,終於輪到租用數碼通網絡的香港寬頻 HKBN 出手。

香港寬頻 HKBN 今日選址在 HKT 位於太古坊的香港總部大樓附近舉行記者招待會,擺明車馬衝著 HKT 而來。在發佈會上,香港寬頻行政總裁楊主光更加以 ATM 提錢方式,在機上提走大量印有 $1010 面額的道具銀紙,意味要搶盡 csl/1010 現有客戶。

該公司宣佈即日起推出全新 4.5G 12GB 數據服務組合,月費方面例明如果是由 csl、1010 或 SUN Mobile 攜號轉台的客戶,以及現有香港寬頻家居寬頻及/或電話服務客戶,可享每月 $30 月費折扣,折扣後實際月費為$218,至於其他客戶月費就要 $248。而且,csl、1010 或 SUN Mobile 轉台客還會免收每月 $18 行政費。

此服務組合只包了 12GB 數據,如果唔夠用或者用凸左就會自動加 $80 至無限數據 (FUP)。換言之,csl、1010 或 SUN Mobile 轉台客就會收 $298 無限數據,而其他客就 $328。個計劃好處是,如果每個月不一定用超過 12GB 就會比較抵玩,因為只收 $218,即慳 $80 或以上。如果每個月都用超過 12GB 至無限就會同 csl/1010、SmarTone 等一樣收 $298,但都仲係貴過 3HK 的 $288。

_______

更多平台立即 Follow:Qooah IG (@qooah)Qooah YouTube,八掛產品發佈會現場,睇盡靚靚 Show Girls