4.5G 全速無限數據 Plan 大混戰，今日最抵玩價出現了！

踏入九月，全球多家手機商紛紛推出今年最受期待手機，戰況甚為激烈。不過，近日香港各大電訊商的無限數據 Plan 減價戰就更為精彩。HKT 日前率先宣佈減價並指名由隔離台轉過去就可享優惠價無限數據，隨後 SmarTone  隨即反擊再大返佢少少指定轉台豁免 $18 行政費。今日，再輪到 3HK 加入戰團。

3HK 今日宣佈推出一系列 4.5G 極速高用量月費計劃期間限定推廣，其中4.5G 極速無憂數據計劃，攜號轉台月費只需 HK$288。定價比起 HKT (csl. + 1010) 及 SmarTone 的 $298 更加抵玩。

3HK 今次個期間限定優惠有三個高用量 Plan 可以揀，攜號轉台可享月費 HK$198 10GB 數據、HK$228 15GB 數據。如果有更高要求，就可以揀用 HK$288 月費，將可享無限數據計劃。不過，留意同樣需要再加 $18 行政費。

今次同 HKT 及 SmarTone 最大分別之處，是在於 3HK 無須指定由某台轉台先可以享優惠。例如 HKT 指定要 SmarTone 及 HKBN 轉過去，而 SmarTone 就要 csl./ 1010/ SUN Mobile 轉台客戶先可豁免 $18 行政費。講到尾，齊齊減價最開心嘅一定係消費者，大家又可以玩返無限數據計劃了。