鐘意打機嘅朋友相信或多或少都會認識近年冒起速度極快的硬件生產品牌Razer，佢地近日終於喺香港開設首間 RazerStore，各位電競迷又多一個地方可以潮聖。Razer 今次仲搵來 3HK 合作，為 Game 迷度身訂造超抵玩打機上網計劃。
3HK 近期積極拖展香港電競遊戲市場，繼早前同台灣的 GASH 推出聯名點數卡後，今次再同全球最受歡迎嘅電競產品品牌 Razer 合作，實行要多管齊下令到該服務滲透至每一個遊戲玩家。
為配合 Razer 於香港開設的首間 RazerStore 喺 6 月 17 日正式開幕，3HK 宣佈為 Game 迷帶來「Razer x 3香港流動服務計劃」。呢個計劃最吸引之處係帶號碼上台月費 HK$268 (新客 HK$338) 就有 8GB 本地數據，再送多 2GB 開幕獎賞數據，合共 10GB 數據 4.5G 上網，比起好多街外 Plan 都要抵玩。不但有手機 Plan，亦都有家居寬頻 Plan (上圖)。
除外，Razer 都會送出配件套裝：BlackWindow Chromas V2 機械鍵盤連 DeathAdder Elite 人體工學設計電競滑鼠 (價值約 HK$2,000) 或 Ornata Chroma 機械式薄膜按鍵軸遊戲鍵盤連 Mamba 無線人體工學設計電競滑鼠（價值約 HK$1,800)。
香港首間 RazerStore 位於銅鑼灣景隆街 1 號，將於 6 月 17 日正式開幕。店內擺設了各類 Razer 為電競迷而設嘅產品，大家可以即場試試。
▲ Razer 聯合創辦人兼行政總裁陳民亮
▲ Razer Blade 靈刃系列遊戲筆記型電腦
▲ 其標誌性的機械鍵盤及滑鼠等
▲ 店內仲設有一個超級大電視，開幕當日將有 Xian 街霸挑戰賽
