開箱簡評: 上次黑金 Iron Man 係開箱人我第一隻入手嘅千值練商品, 無論在造型、塗裝、關節既設計上都畀左好大信心我, 而今次嘅重裝備 Modular Armor 更有飛躍性嘅進步, 所以開箱人我真係忍唔住要瘋狂吹奏。


裝甲造型方面顛覆大眾對 Iron Man 嘅印象, 造型師以 War Machine 為基礎為依隻 Iron Man 加入大量武器, 包括雙肩嘅等離子大砲及雙臂嘅超振動刀刃, 重裝備風格同 Iron Man 全無違和感, 依種大膽嘗試非常令人討好。

另外裝甲上採用大量刻線及菱角設計、 金屬紅色及金色塗裝令模組更具金屬質感、 再加上雙眼及胸部嘅反應爐能亮燈透光, 令重裝備 Iron Man 更具科技感及攻擊性, 種種因素令整體觀賞性大大提升! 唔好以為重裝備 Iron Man 周身武器會阻礙可動, 今次採用嘅素體經過精心設計, 好多關節細位都可以巧妙地扭動, 就算揹住兩碌大炮都可以扭到超多中二打鬥動作, 非常著重可動性嘅我都扭到嘩嘩聲, 咁你地明點解我話要瘋狂吹奏啦。

你問我隻重裝備 Iron Man 有冇扣分位? 其實我幾鍾意上次黑金 Iron Man 所採用嘅小腿活動關節, 可向內屈入嘅設計除左令雙腳接地性更高之外, 應付起中二嘅耍帥動作就更得心應手。 可惜今次設計師主力賣重裝備武器造型, 所以未有加設小腿活動關節, 有些動作扭起上嚟就要自己就下位啦~ 另外如果大家同開箱人一樣玩開 1:12 市場嘅玩具, 見到 RE:EDIT 依條 Iron Man 產品線既價錢或許會覺得略貴, 不過一份錢一份貨, 重裝備 Iron Man 所呈現既高質素真係物超所值!

本體自轉一周:

附送手首一覽
胸部嘅微型導彈唔需要換件就可展開。
離子大砲砲口可以自行展開,
呈現射擊狀態。
雙臂配有近接戰鬥專用超振動刀刃,
都係唔駛換件就可以拉出來呈現。
雙臂配有近接戰鬥專用超振動刀刃,
都係唔駛換件就可以拉出來呈現。
看看整體可動性,
就算周身武器都可以達到超可動,
非常著重可動性嘅我都扭到嘩嘩聲
因為下盤採用拉出式球形關節,
所以老江湖指數可達笑傲江湖級別~

發表意見

最新文章

銀白色 Nokia 6 即將在香港推出!

Nokia 6 早在上月尾於香港開賣,但機身顏色方...

Sony Xperia XZ Premium 外觀細節逐點分析

Sony 本年度大作大家的矚目點都放在了未推出的 ...

世界初,最輕巧藍牙耳機出現了 – 僅重 4g!

現在的藍牙耳機日趨輕巧,而且漸漸多人考慮雙無線耳機...

Pangu 展示成功破解 iOS 10.3.1,越獄工具一週內發佈!

隨著 iOS 系統的發展完善以及保安增強,令到 J...

大家都覺得很醜的 iPhone 8 設計,被 3D 打印了出來!

新一代 iPhone 的機身設計,過去一個星期以來...