過去一星期網絡大事一定唔可以唔提 LIHKG 討論區推出，原因係高登仔群情洶湧另起爐灶反方丈霸權而且更獲得階段性勝利(俾D掌聲自己,啪啪啪)。可能，唔少人覺得 LIHKG 推出對高登唔會有太大影響，CEO 林祖舜受頻果訪問時都講到自己屹立不倒，咁到底事實上有冇威脅呢？不如來睇睇數據，所謂有圖有真相啊嗎！
一名現於香港 StartUp 打滾土生土長嘅九十後香港 Programmer 啊 Gap，琴日就響佢個 Blog 度寫左個監測程式，以每小時更新速度來記錄 LIHKG 同 高登兩個討論區的發貼數目。睇睇個圖，嘩！你都咪話方丈見到唔會腳震。由琴日 11 月 29 日 0:600 開始記錄，LIHKG 討論區每小時發貼數都遠高過高登討論區，由此可見其活躍程度已經有過之而無不及。
雖然，由於數據少，所以暫時要講已經取代高登都係言之尚早，日後仲要睇各位高登仔會唔會繼續撐落去，等呢場「時代革命」可以成功先至係關鍵，否則可能又係另一場HKTV的翻版，咁最後輸o既可能又係大家。
