八達通作為香港本地電子支付龍頭公司，其一舉一動自然受到市民關注。琴日八達通宣佈推出P2P小額轉帳服務「O! ePay」，隨後大家已經可以喺 App Store 同 Play Store 下載使用。呢個支付服務成唔成功就仲未知，但係網友一裝完 App 就發覺好大個「中伏感」。
想使用此支付服務的話，先需要資料帳號，呢一點相信大家都習以為常。之但係，除左基本個人資料外，註冊時仲要需要提交「個人身分證」以及「地址證明」。相信大家都知，平時大家申請一般網上服務都好少要求提交呢兩項極度私隱及敏感嘅過人資料。
現時由 App Store 及 Play Store 的評論所見，網友們對此做法極度不滿，紛紛投以「一星劣評」，以及質問為何需要如此多個人資料。
其實都明點解大家會咁反感，因八達通公司曾經出售過市民個人資料，市民如今有陰影其實都好理解。睇來，香港人都並唔係咁善忘。
