IMG_6928

 

早前一張TnG Wallet因為送$100蚊而搞到個個爭住去用,不過事後因鬧出多項問題而極速被大家放棄。而在TnG之前,其實csl.母公司HKT已更早一步推出Tag & Go 拍住賞電子錢包服務,當時初推出因只限少部份有NFC o既Android手機使用而得不到普及。

今日,HKT就宣佈以實體咭方式來解決問題,所以無論iPhone又好、Android又好、有NFC冇NFC都好,iOS跟Android兩大平台裝置都可以支援。同埋,最重要係連非HKT用戶都登記得,今次真係方便得多!

大家可以見到,張卡有晶片有磁帶仲要簽名,其本上就同一張信用卡無別,只係商店消費額上限為HK$1,000,而網上消費上限則提升至HK$10,000。另外會同八達通一樣需要先増值後使用,增值金額為港幣100元至港幣3,000元之間港幣50元的任何倍數。

f8a5472394e2 901ab58b264b

所以,如果有意申請「拍住賞」服務的話可以去cls.或1010專門店辦理登記,並出示香港身份證、住址證明及任何一家流動通訊營運商的有效香港流動電話號碼,就可以免費取得「拍住賞」卡。跟住手機下載「拍住賞」手機錢包app、輸入香港身份證號碼及掃瞄「拍住賞」卡背面的QR條碼作客戶身份驗證,以及輸入經短訊發送的一次性密碼,便可啟動「拍住賞」卡。

而家推廣期內由即日起至2016215日,有新登記客戶將會獲贈港幣50元的即時獎賞存入其名下的「拍住賞」賬戶內,此外,新登記及現有「拍住賞」客戶只要在這段期間消費每五次,累積消費港幣50元或以上,便可獲得港幣30元的現金回贈,而回贈總額最多為港幣300元。有關回贈將於2月底前存入其「拍住賞」賬戶內。

_______

Qooah 現已登陸 MeWe,立即 Follow:https://mewe.com/p/qooah

更多平台立即 Follow:Qooah IG (@qooah)Qooah YouTube,八掛產品發佈會現場,睇盡靚靚 Show Girls