八千銀嘅 Steam Machine 定價爭議，喺機迷圈中好有話題性。
定價一出即時引嚟大量負評，512GB 基本版賣 1,049 美元（約HK$8230），2TB 頂配版高達 HK$11,200，比 PS5 貴一大截，部分跨平台遊戲實測表現仲差過 2020 年出嗰部 PS5。亞洲區開賣唔夠一日全系列已經沽清，屬於討論區仲鬧緊，現貨就已經俾人掃曬。
呢場爭議，本質上係兩批玩家對同一件產品嘅價值判斷完全唔同。
紅方話定價太進取，根本係食粉絲經濟，認為呢部機嘅硬件配唔起個價，普通玩家買就係交智商稅。同樣預算已經可以砌到一部有 5060Ti 顯示卡嘅 desktop，整體性能同擴充性都贏 Steam Machine 幾條街。Steam Machine 冇任何獨佔遊戲，入面所有內容都可以喺普通電腦或 Steam Deck 上面玩，賣得貴但冇獨家體驗支撐。
藍方就話近年成本不斷升，產品賣貴啲都合理，最緊要係方便用家，銷量已經證明有市場需求。
消息源 @V 社工程師之前透露過，近幾年 RAM、SSD 等核心硬件價格持續上升，硬件業務唔會靠遊戲銷售補貼，成部機嘅成本全部反映喺售價上面。有用家對比日本市場行情，發現自己砌一部同規格主機嘅使費，比 Steam Machine 仲貴 93 美元。
Steam Machine 對於唔想自己砌機、唔想慢慢 set 機嘅用家嚟講非常方便，而且主機可以完美對應 Steam 遊戲庫，玩得輕鬆又少野煩。
有網民就話，如果 PS6 等下一代主機都跟住加價，依家嘲笑定價嗰批人，將來可能會有回力鏢效應，到時要用更多錢先買到機。
