香港自六月開始以來市民活動多多，記者亦都疲於穿梭各個活動場以求為大家帶來現場直播。以前好多人就話無得揀局住要睇偏頗到不得了的大台新聞，但而家網絡世界已經唔同，大家絕對有更好及更多角度去了解真相。
近年 Facebook 直播興起，大家基本上都可以由手機收睇各自喜歡嘅電台，而各間電視台或網媒都有提供手機 App，而且免費收睇直播。之不過，每個台手機 App 都獨立運作，要裝好幾個先得。
最近有網友就自己開發咗一個睇落好簡單嘅 Android App 叫「港人話電視」，將大台以外嘅 Now TV、Cable TV、RTHK、ViuTV、開電視等裝合為一個 App 度，所以大家只要安裝呢個 App 就可以隨時收睇各台免費頻道。而最正嘅係，個 App 除咗支援手機播放外，亦設有 TV 版，可以裝喺各類運行 Android 嘅電視盒子或內建 Android TV 8.0+ 嘅 Smart TV，而且支援遙控操作。
不過要留意，據開發者所講，呢個 「港人話電視」只會限時上架畀大家下載，預計本週日 (即今日) 稍候時間會下架，至於原因就不太清楚，大家快啲 Download 啦！
