香港電視 HKTV 自正式宣佈於11月19日開台後，近一個星期以來正在積極地測試五個播放平台的Apps及伺服器運作。目前智能電視版的Apps已經推出，但更多人可能會使用的是手機版或電腦版。距離開台日越來越近，今日HKTV就準備進入最後的測試直路，即是邀請全港市民幫手做壓力測試，以手機、平板、電腦等平台一齊睇，為順利開台作出穩陣的準備。
官網今日宣佈，由11月7日(即今日)至11月9日三日內率先開放智能電視、智能手機(Android)以及網頁版等播放途徑，大家可以在晚上10點至11點期間一齊睇HKTV，睇睇在極大人流之下是否可以應付得來。屆時，HKTV 的Android版App可以由Play Store下載，而網頁版則可以在官方收看，大家需要註冊一個帳戶即可。
Update：Android 手機及平板電腦的HKTV App已推出，按此看詳情及下載！
