一年一度書展又來啦，記得去年開始已經多了手機支付服務，今年各家公司就更進一步推出唔同服務吸引大家。其中 PCCW 旗下的 Tag & Go 除咗可以買入場飛外，今年仲首設 Virtual Store，等大家直接用手機輕鬆買書。
Tag & Go 今次在會展期間於 1B 門口擺設了兩個超大屏幕，展示了一系列熱賣書或者商品，大家只要拎起手機用任何一隻 QR Code 掃瞄器 App 掃一掃就可以前往購買頁面，跟住再用 Tag & Go 手機程式作支付便可。
▲ 會展 1B 門口左右兩邊樹立了兩塊巨型屏幕，展示一系列熱門書籍
▲ 大家只要用任何 QR Code 掃瞄 App 掃一掃目標書籍旁邊的 QR Code 就可以前往購買
▲ 當確定購買後，就會被轉向 Tap & Go 手機 App 進行付款
▲ 完成購買後，15分鐘後就可以前往 1B 門口的取書處取書
▲ 簡單幾步，書已到手！
Tag & Go 今次推出 Virtual Store 對書迷來講確實好事，因為大家選購熱門書時，自己掃瞄 QR Code 就可以完成購買，過程不用排隊等。加上，除咗可以即場取書之外，你仲可以揀送貨服務，就算買一本都會送，而且唔駛運費。
據現場所見，Virtual Store 上不時出現「Flash Sale」限時優惠，大家見到啱心水可以即時把握。
以下係今次 Tag & Go 推出嘅優惠清單，大家去之前記得睇睇：
