所謂瘦田無人耕，耕開就個個爭。講緊嘅正正就係香港手機電子支付市場，幾乎每隔數日就有新聞出。琴日來自匯豐嘅 PayMe 宣佈同 HKTV Mall 合作，首次打入網購平台。而今日，另一本地薑兼霸主嘅八達通再發功，今次就係宣佈同 PayPal 合作。
八達通今日聯同 PayPal 舉行發佈會宣佈合作事宜，主要是在八達通手機程式內的「O! ePay」加入增值至 PayPal 帳戶的選項，等你可以將錢由八達通增值至 PayPal 然後再透過 PayPal 作出網購等。咁做目的，相信就係要借助目前在網購上佔有率極高嘅 PayPal 之力，將「O! ePay」服務作進一步推廣。
教你六步完成增值至 PayPal：
注：如看不到以下選項，請更新 八達通 App 至最新版本
由即日起至 2018 年 7 月 31 日，O! ePay Plus 及 Pro 客戶透過 O! ePay 單次增值滿 HK$200 或以上至 PayPal 帳戶，可享 HK$50 回贈！回贈會以先到先得形式給予首 5,000 名合資格客戶。每名合資格客戶可享優惠一次。HK$50 回贈將於 2018 年 8 月 16 日至 9 月 15 日期間轉賬至合資格之八達通 O! ePay 賬戶。
