正當 iPhone X 仍未開始預訂之前，市面上一片炒風熾熱，不少二手買賣商店都看好炒價，更一度傳出「炒過十萬」港幣的浮誇說法。不過，當 iPhone X 上週五正式開發預購後，整個氣氛似乎 180 度轉變，各收賣商家態度已經保守了很多。
繼琴日網上流出大陸華強北的 iPhone X 預訂價之後，有先達代言人之稱的 G World Mobile 老闆 Lo 哥亦都於 Facebook 上公開了他的 iPhone X 預購價。
由 Lo 哥所貼出來的預訂價所見，iPhone X 首日正式發售下午 2 點前：64GB 為 $13,500 及 256GB $16,500。兩者相比起 Apple 官方的原價只多出 $4,912 及 $6,612。價錢比起之前傳出的炒上 2 萬或 3 萬 (10萬就唔講了) 明顯跌左好多。
留意返，以上 Lo 哥開出嘅係佢地「賣價」，即係話如果你第一日去放機扣除差價，可能 64GB 只有 3,000 蚊賺，而 256GB 有機會賺 4,500 左右。不過，信唔信佢就大家諗啦！
