擁有廿幾年飲可樂經驗既小編，可以算得上係一個可樂專家。各式各樣既可樂都試過哂，始終都係鐘情於原味可口可樂，不過長期咁飲，容易痴肥又唔健康。
最近，可口可樂公司新出全白色包裝既可樂，仲講到明係零糖零卡路里！其實之前都有聽過零糖可樂、零卡路里可樂之類，咁究竟呢支全白色包裝既可樂有咩咁特別呢？
原來呢支可樂除左零糖零卡路里之外，仲額外加左5克既水溶性膳食纖維入去。飲完之後可以幫助減少飯後脂肪吸收量，仲可以穩定血脂。唔會肥之餘，仲幫你減埋肥添呀！聽到都想即刻飲返支～
小編坐言起行，今日就即刻試飲左呢支全白色可樂，味道就比原味可樂較甜，有 D 似 coke zero，同埋比較少氣。若果係原味可樂既忠誠粉絲，同埋鐘意飲完打返個嗝既，呢支新既全白色可樂就未必啱你口味。但如果想過下可樂癮，又唔想肥，就可以試下新野啦！
其實即日起大家已經可以在本港兩大便利店買到 Coca Cola Plus，截稿日當天 7 Eleven 賣 $25 一支，至於 Circle K 則賣 $16.9 (日本賣 150 Yen 折合約 HK$10.6)。
至於如果大家係 Circle K 既 VIP 就更加只售 $12.9 一支，貪新鮮既朋友不妨一試。
