海洋公園踏入40周年，今年除左有「壞消息」加價外，亦都推出唔少專為香港市民而設的優惠，希望可以藉此安撫一下大家被加價所帶來的不快感覺。繼日前推出生日當日連同往後六日都有得免費入場及同行朋友七折優惠後，現在再加碼推出港人專屬 40 蚊門票優惠，今次大家真係要睇實時間出手搶飛啦！
海洋公園今日舉辦了40周年慶典並公佈了優惠詳情，第一波優惠將是以 40 蚊港幣即可以限時搶購門票。官方表示，大家可以於明日 (1月11號) 下午 4 時起 至到 1 月 22 號，去海洋公園官方網站就可以搶購門票，每人最多可以搶購 4 張。
門票限時搶購先到先得，因這次優惠專屬港人所享，所以搶購時需以香港身份證作登記。購買時亦都要選定入場日子，以及入場時需要出示證明文件。而且，每日只限 4,000 名持優惠門票人士入場。門票可以在本月 16 號至到 22 號任何一日使用，大家唔好錯過啦。
