九巴提供 Pokémon Go 捉水系精靈路線！

大家繼續在街上捉小精靈，各位訓練員都在發掘小精靈出沒的地方。今天，九巴就向大家推薦了兩條捉水系小精靈的路線，唔知司機會唔會駛慢少少方便各位訓練員捉小精靈呢？

特別推介兩條「水屬路線」，1A線來往秀茂坪到尖沙咀，途經觀塘、九龍灣、旺角等等直出尖沙咀碼頭，俾你由鬧市捉到去海邊，將小精靈一網打盡！

去到尖沙咀碼頭，仲可以搭6號線，一路沿住彌敦道殺入旺角、深水埗，跟住去埋荔枝角公園搵晒各款水性精靈！