電子錢包講就講左好多年，但係香港就不時俾人話呢方面落後過其他鄰近地區。的確，今時今日好多地方都可以使用手機輕易付費，但香港就似乎流行不起來。無他的，香港普及率最高的仍然是八達通，所以八達通一日唔郁，其他人都好難改變到呢個市場狀況。終於，今日八達通就向傳媒發出左邀請，將於下星期二宣佈推出P2P小額轉帳服務「O! ePay 好易畀」。
P2P (Peer to Peer) 轉帳服務即是可以個人對個人轉帳，總算是跳出了現時個人對商戶的付費框框。呢個服務現時已獲金管局通過。服務正式推出後，市民就可以下載最新的八達通手機 App，朋友之間透過手機o都一o都就可以互相傳帳。對於日常大家約會朋友出街聚會、食飯、夾錢買野，咩都好，想攤分費用就更加簡單直接啦！
