今日樂視(LeEco) 係香港舉行發佈會 , 當中發佈了兩款 LeEco 超級電視 , 一款是 uMax 120 , 120吋的4K大超級電視 , 另一款是 X65 , 65吋的 4K超級電視 .
其實大家都知道樂視一向不是靠賣硬件賺錢 , 佢地係希望用戶購買樂視的電視節目組合 , 所以今次主力其實都是用買節目組合送電視機 , 我地同大家分析一下呢D送機組合 .
先同大家講下一D 基本月費資料 , 「英超狂睇組合」月費就 HK$169 , 年費 HK$1690 , 專睇英超o既. 而另外樂視仲有一個叫「超級體育組合」 , 可以睇哂全部體育賽事(包埋英超) . 月費 HK$249 , 年費 HK$2490 . 對於喜歡體育節目既朋友應該都接受到呢D價位 . 下面再睇下組合價 .
樂視超級影視會員年費 HK$990 , 如果每買一年年費 , 你買電視就可以平 HK$600 . 以 X40 電視為例 , 呢部 40吋機賣價為 HK$2499 , 如果你一次過買4年會籍 , 呢部 X40就可以 HK$0 買走 .
如果你想睇英超又可以有幾抵 ? 買兩年英超狂睇組合(共HK$3380) , 即時可以HK$0 帶走 X40 電視 , 如果你手鬆買夠3年 , 仲可以帶走 X43 43吋電視 . 不過如果你講抵買就係 4年會費 換 X55 55吋機 . 不過筆者就計過 :
X40 一年英超狂睇組合(HK$1690) 可以抵 HK$1250 機價
X43 只可以抵 HK$1000 機價
X55 可以抵 HK$1375 機價
X65 可以抵 HK$1380 機價
所以平均睇 X40 同 X55 最抵玩 .
如果你咩體育都岩 , 你可以搞個「超級體育組合」, HK$2490 一年 , 一次過買兩年就已經有一部 X43 , 如果買3年就 X55 , 如果買4年就有 X55 Pro , 豪氣買5年就有 X65 . 不過計落就冇英超組合抵囉 .
大家留意 , 樂視暫時只有3年英超播放權 , 3年之後是一個未知數 , 如果萬一買左5年 , 而3年之後樂視冇英超播咁會點呢 ? Sorry , 暫時未有人正面回覆 .
如果你問筆者 , 其實反正都預每月二百幾睇英超 , 所以都本身有呢個預算 , 所以一次買兩年至三年都冇問題 , 而且 x40 最高性價比 . 反之三年的 x43就一般般啦 . 所以筆者認為買兩年換X40 都抵o既 , 至於 X43 就明顯有D搵笨 . X55 以上就擔心第四年冇英超 , 到時都唔知比咩你 .
