電子支付系統可以話係現時各大科技公司兵家必爭之地，在香港講起電子支付，相信大家講來講去都係八達通，第二可能就數到Visa所推出的payWave。相比起其他地方，甚至是中國大陸來講，香港呢方面其實真係落後不少。作為電訊巨頭的csl.，今日就搶先其他競爭對手，推出「拍住賞」Tag&Go服務，搶攻電子支付市場。
「拍住賞」的運作原理有點像大家所熟悉的八達通，主要是需配合一張支援該服務的SIM卡，然後再使用備有NFC功能的手機就能夠使用。此服務強過八達通的地方是不止在香港使用，而是可於遍佈世界各地逾3
在香港方面，現時支援「拍住賞」的商戶已經唔少，例如以下這些大家熟悉的品牌：
「拍住賞」同八達通最似的地方，相信就是同樣需要「增值」呢一點。csl. 用戶可以去各大門市增值，又或者去24小時營業的7-11增值。而推出初期csl.就搵來大新銀行合作，所以如果有大新信用卡的話，預設會自動增值，每天最多自動增值一次，可選擇預設的增值額如港幣500元、港幣1,000元，港幣3,000元、港幣5,000元、港幣8,000元，最多上限為港幣10,000元。
相比起八達通，「拍住賞」就多左一樣煞食功能，就係可以一鍵過數給朋友。操作方法好簡單，你可以透過手機App再經聯絡電話簿，選取朋友電話號碼再經過密碼驗證即可以過數。當然，你地雙方都要有用此服務才可。
講起吸引，就緊係有優惠著數啦。服務推出優惠期內(8月8日至9日)，csl. 已聯手759阿信屋進行推廣活動。只要使用「拍住賞」來俾錢的話，所有正價貨品同埋街坊價貨品，都一律半價，而且仲係無限次數使用添！都係呢樣吸引到我！
「拍住賞」操作真係同八達通一樣咁簡單，你只要用支援的手機在機上「o都」一下就可以扣數賣單，手機個Mon唔需要著左先都得。
此服務現已推出，csl.(包括1010)用戶想用的話，下載手機銀包App再透過申請以短息確認就得！不過要留意並唔係所有內置NFC的手機都用得，目前只有部份Android手機支援，建議大家用之前要問清楚。而iPhone 6/6 Plus雖然都有NFC，但目前就只有Apple Pay可以用，所以除非Apple肯開放俾其他人用，否則就別想了。
