今日係華為香港正式發售其最新穿載裝置 HUAWEI WATCH FIT4 系列及 WATCH 5 的日子，咁首發日我當然去到位於沙田新城市廣場的門店直擊首賣情況，同時亦訪問下首批買家點解會選購華為產品。
喺現場可見，似乎最多人有興趣嘅係新款 WATCH FIT4 Pro，的確，呢款最新嘅 FIT 系列不單單有全新外型設計，而且獨家配備 40米深度感測器同自由潛水模式，仲有安全警報系統保障潛水活動安全，適合呢個炎炎夏日各種水上活動。
開鋪後首位買家係黃小姐，佢購買嘅就係最新 WATCH FIT4 Pro 原野綠尼龍錶帶，黃小姐表示「見到 FIT4 Pro 個廣告就好鍾意，尤其係個綠色，超靚。同埋 HUAWEI 錶盤設計都好靚，勁鍾意」
當然我亦採訪一下佢點解會選擇華為穿戴裝置。咁原來黃小姐本身用緊 Samsung Watch 系列，不過就認為佢個 UI 設計要「不停轉轉轉」先搵到個 App，唔及 HUAWEI Watch 界面咁直觀，一嘢就搞掂，所以唔鍾意 Samsung，決定轉會華為。
咁黃小姐呢款 WATCH FIT4 Pro 原野綠而家購買會送 FreeBuds SE2 無線耳機 同 智能體脂秤，相當抵玩。
產品銷售資料：
HUAWEI WATCH FIT4 系列
購買 Pro 版可獲贈價值 HK$299 的 FreeBuds SE2 無線耳機及價值 HK$199 的智能體脂秤；選購基礎版則贈送智能體脂秤乙件。全系列產品將於華為官方線上商店、3HK、csl.、豐澤等指定通路販售，優惠數量有限，詳細資訊請洽官方銷售平台查詢。
HUAWEI WATCH 5
送： HUAWEI FreeBuds 5 無線耳機 (建議零售價: HK$1,199) 乙件及 HUAWEI 智能體脂磅 (建議零售價: HK$199) 乙件。優惠數量有限，送/換完即止，詳情請向店員查詢。
