平治表示，即使汽車工業加速電動化，大容積引擎仍有生存空間，並透露正研發一款全新 V8 偈。
據 AMG 主管 Michael Schiebe向《Car and Driver》透露，阿法特巴赫（Affalterbach）嘅工程團隊正開發新一代 V8 偈。雖然平治曾稱此引擎係「高科技、新一代電氣化V8」，但 Schiebe 強調 AMG 唔需要喺混能技術上走極端路線。
新一代 V8 偈不僅會用於未來八缸車款，亦可能落喺現有少缸數車款。
對於追求駕駛體驗嘅車迷，現階段更傾向揸純油引擎嘅 GT63 Pro（強調直接操控感），而非馬力更大但車身更重 嘅 GT63 S E-Performance 插電混能版。
AMG 堅持開發 V8，主因八缸豪華車款仍有穩定需求。經團隊評估後，認為投資 V8 偈長遠仍可回本。
值得留意嘅係，Schiebe 提到歐盟將於2035年禁售新燃油車，意味 V8 車款喺歐洲仲有幾年賣街期。至於歐盟以外地區，尤其係美國市場，對燃油車需求依然強勁。
