第五波疫情香港大爆發，葵涌成為重災區，其中逸葵同映葵樓仲要被封，居民要被強制留喺屋企作家居隔離 5 日。5 日話長唔長話短唔短，相信大部份人屋居都有裝寬頻可以 Wifi 上網解悶或者工作。不過如果真係咁啱屋企無 Wifi 嘅話，就要留意啦，因為 SmarTone 同 CMHK 都會送 5G 數據俾大家用。
琴日當政府宣佈要映葵樓「封樓」5 日強制隔離後， SmarTone 同 CMHK 都繼稍早前針對幾個隔離營嘅免費數據服務後，再發出新聞稿。
SmarTone 表示，該司客戶只需提供指定證明 (葵涌邨芊葵樓、曉葵樓、雅葵樓、旭葵樓、逸葵樓及映葵樓) 住戶並獲核實後，便可獲安排額外 100GB 免費本地數據、無限本地通話分鐘 (此特別安排由申請日起計30天內有效)、免費 1 個月 JOOX VIP 音樂服務 及 hmvod 標準計劃 (需於於2022年3月31日前兌換服務)。如有需要及查詢，可透過 WhatsApp 專線 9660 2688 查詢，將有專人提供協助。
而 CMHK 亦有同樣的安排，宣布將關愛伸延至該區的月費客戶，提供免費仼用無限本地數據及語音通話服務(由申請豁免起計 21 天內有效)；免費 1 個月 JOOX VIP 音樂服務及 hmvod 標準電影組合。受限樓宇包括：葵涌邨逸葵樓、葵涌邨映葵樓。如有需要及查詢，請致電專線2945 8883，將有專人提供協助。
