去隔離營唔驚無數據，即登記 100GB 至無限數據任你用！

正當以為疫情有退卻之際，一個 Omicron 變種病毒又搞到全港市民人心惶惶。第五波疫情最近已經喺香港爆發，相信未來日子將有越來越多人需要前往各個隔離營「暫住」。去隔離中心要帶備簡單食具/食物或日用品相信大家都知，而政府亦都有提供數據卡俾大家，只不過日前有記者測試過該卡數據只夠用一兩日，如果真係不幸要入去而又唔想無數據用悶死嘅話，咁就要留意呢兩日幾間電信公司嘅免費數據服務啦。

香港四大電訊公司都為配合需要前往隔離營嘅市民推出免費額外數據服務，用量由 100GB 至無限任用都有，只要證明要入去隔離以及去閣下自己用緊嘅台登記一下就得，咁就可以確保喺隔離期間嘅日子繼續有 data 用啦，以下幫大家整理一下：

更新：

SmarTone 除咗送額外 100GB 本地數據連無限本地通話外，隨後再公佈為於竹篙灣強制隔離的特選客戶可獲安排額外免費 30 日SmarTone Home 5G寛頻服務連5G Wi-Fi 6 路由器，並直接送到竹篙灣檢疫中心。特選客戶包括：PriorityPlus Premium、PriorityPlus 會員、SmarTone 10 年以上長期客戶或 SmarTone Home 5G 寬頻客戶。