足球界嘅盛事「歐洲國家盃2020」,即將喺 6 月 12 號凌晨正式開鑼舉行首場小組賽事。 而擁有轉播權嘅 Now TV 當然隆重其事唔會放過任何吸金機會。早前除咗搵嚟旗下最紅男子組合 Mirror 唱主題曲外,今日再搞記招宣佈其錄影廠及新頻道正式啓動。

NowTV 今日喺記招度宣佈,將以新廠景、新主持、新功能,三「新」迎歐國盃開鑼。今次主持陣容非常強大,因為邀請了《歐國盃第三聲道》一眾嘉賓主持,包括前港隊女子單車運動員馬詠茹、現役港隊女子青年劍擊運動員文毅施、前港隊成員盧均宜、《電競三子》老星、Martin、William (返工狗),網絡紅人啱 Channel – Ah Gi (樊沛珈)、啱 Channel – Jackie (劉展翹)、試當真‧阿慈(倪安慈)、小薯茄‧人富及小薯茄‧阿J 等當紅 YouTuber。

而新功能方面,講嘅就係 Now隨身體引入 Watch Party 功能。有上開 Facebook 嘅話,相信大家對於「Watch Party」呢個 Term 都唔會點陌生,就係開始開視像會議咁,大家約埋一班朋友以同一個畫面同步地一齊收睇賽事,等大家喺疫性期間即使無得落酒吧或者茶餐廳睇波,都可以一齊喺屋企睇一齊叫。

另外,歐國盃頻道 Now Sports 618 台經正式啓動。由今天起,已購買通行證之客戶可以透過 Now Sports 618 台收睇多個賽事特備節目,包括《歐洲國家盃2020進軍決賽周》、《真心球迷》及歐洲國家盃2016賽事重溫等,為開波做好熱身.有關節目更可於自選服務區免費點播!

Watch Party 點玩?大家直 Click 下邊圖睇睇就知。不過要留意嘅係,只適用於 「Now 隨身睇」,並不支援 NowE:

_______

扮豬食老虎!? 4系5G機有咁嘅性能!! 三千有找仲有2年保!!

買手機的時候,大多人都會參考處理器的名字及鏡頭像素...

Qooah 現已登陸 MeWe,立即 Follow:https://mewe.com/p/qooah

更多平台立即 Follow:Qooah IG (@qooah)Qooah YouTube,八掛產品發佈會現場,睇盡靚靚 Show Girls