肺炎疫情已經持續咗一年有多,大家無得出外旅行只能留港消費。如果想有渡假感覺,好多人都會選擇周圍住酒店玩返一兩晚。最近 SmarTone 就同新鴻基地產合作,推行「至豪星級酒店 Staycation」計劃,將 5G 服務帶到該集團旗下 11 間酒店。

SmarTone 自去年 5G 正式投入服務以來積極佈置其服務覆蓋範圍,現時各主要地區、商場以及主要道路幹線、郊外地方等戶外地方都有所覆蓋。而今日 SmarTone 就舉行記招宣佈同新鴻基地產合作,將 5G 及相關服務帶入11 間酒店。11 間酒店包括:四季、麗思卡爾頓、W、維港凱悅尚萃、帝苑、帝都、帝京、帝景、帝逸、九龍東皇冠假日及九龍東智選假日酒店。

▲ 計劃詳情:上官網睇

現時 SmarTone 嘅 5G Plan 分別有 HK$328 及 HK$398 兩個,分別有本地數據 35GB 及 100GB。而優惠期內新上台即可享「至豪星級酒店 Staycation」,送一至兩晚酒店住宿。所有酒店都會包埋雙人早餐/餐饗,另外除 W 酒店外其他仲會保證客房升級。

如果住 W 酒店,仲可以遇到首個 5G 機械人「WW」,配合人工智能及 Chatbot 技術,化身成智能服務員為住客提供實用資訊,而且仲識唱生日歌同埋跳舞去娛樂大家。

_______

Qooah 現已登陸 MeWe,立即 Follow:https://mewe.com/p/qooah

更多平台立即 Follow:Qooah IG (@qooah)Qooah YouTube,八掛產品發佈會現場,睇盡靚靚 Show Girls