HKT 同八達通鼓勵你派 e 利是，可獲 $118 或 csl 24 個月 5G Plan！

農曆新年就快到，今年疫情持續關係政府已多次建議大家唔好去拜年。無得拜年咁點逗利是？所以今年就多咗幾間電子錢包公司出來鼓勵你派 e 利是。其中今日 HKT 旗嘅 Tap & Go「拍住賞」以及八達通公司都出咗新聞稿，宣佈推出著數吸引大家用。

先講講 Tap & Go「拍住賞」，只要透過 Tap & Go「拍住賞」手機錢包派發利是，而累積派發利是次數最多的首 10 名客戶（以收款帳戶計算），有機會贏取由 csl 送出為期 24 個月 80GB 本地流動數據 5G 服務計劃，總值港幣 10 萬元。

至於八達通方面，為鼓勵用戶使用「e 利是」，首 20,000 名已設立轉數快銀行自動轉賬的八達通銀包用戶，如成功派發「e 利是」給 20 位用戶累計港幣達 300 元，每位可獲贈港幣 38元「e 利是」獎賞; 成功派給 40 位用戶累計港幣達 600 元，每位可獲贈港幣 88 元「e 利是」獎賞。另外，新設立轉數快銀行自動轉賬的八達通銀包用戶更可獲港幣 30 元迎新「e 利是」，即最多可獲 $118 元。