香港 5G 正式推出至今已近10個月，現時幾家電訊公司都在爭取最大 5G 訊號覆蓋率，其中地鐵沿線與及各大隧道等都係兵家必爭之地。今日 SmarTone 就聯同三號幹線公司宣佈，於大欖隧道應用全港首個用於行車隧道及公路的「5G 智慧交通安全管理系統」。
SmarTone 表示，該司現時係本港唯一喺大欖隧道提供 5G 覆蓋嘅電訊商。其實都唔難理解，因為大欖隧道現時由新鴻基地產持有。而透過今次呢個系統將為智能化管理提供更多應用，當中像是 IoT 動態偵測相機安裝喺隧道範圍以實時識別任何人誤闖。
SmarTone 5G 建基於其 LTE 網絡再配合愛立信 DSS 技術令覆蓋率快速擴充。據官方資料，現時已擴展至超過 250 個室內主要地點，包括主要商業區及商場、港鐵車站、17 條主要行車隧道及 65 個郊遊熱點。
