相信好多讀者都同小編一樣，鐘意跑步。而大家跑開步都知，速度感十分重要。因為對愛跑者來講，五分披（即五分鐘跑一公里）嘅人，能夠跑到四分披（四分鐘一公里）係跑步生涯一個很大的轉捩點。因為愛快，所以小編對於流動上網自然亦都有要求。知道今年由 4G 走向 5G，必定是電訊界嘅一個重要里程。
最近留意到一個 5G 網絡 99% 全港覆蓋嘅宣傳廣告，感覺到 5G is everywhere，當中提及 5G 已經覆蓋港、九、新界近 600 個室內和室外人流熱點，包括高速公路、大型商場、商廈、醫院、大學和酒店。對於講求速度感嘅我，喺 4G 年代剛開始嗰時已然做咗先頭部隊，而今次踏入 5G 新世代，小編都當然毫不猶豫地決定要立即升級用 5G 網絡。
邊跑邊打卡「呃like」，大概就係現今唔少跑友經常做嘅事，因為希望可以立即同朋友分享跑到邊同埋跑步遇到嘅人和趣事，所以開 Facebook Live 就最好不過。諗返以前小編曾經試過用 4G 開 Live，但偶然試過因網速唔夠而出現起格情況，感覺很不爽。而今日小編試過跑經界限街、達之路，然後再入又一城商場休息一陣，試過專登開咗一陣 Live 同埋睇下影片，試一試 3 香港嘅 99% 全港覆蓋 5G 網絡是否名符其實般強勁。以下實況測試可以同大家分享一下：
4G vs 5G 比較
小編先跑入界限街，喺 5G 手機開 Facebook Live 約 3 分鐘，發覺完全唔駛等緩衝時間，就可以立即進行直播。即使邊跑邊拍，冇喺定點停落來，網絡都十分順暢。期間小編可以即時睇到朋友嘅留言，並透過直播一一回覆。跑到達之路我又開咗 3 分鐘 Live，直播嘅畫面都仍然十分流暢和清晰，朋友仲留言話見到我跑到身水身汗添。但為咗安全起見，我暫時停咗個 Live 繼續跑。
▲ 即場比較下，5G（上）睇片飛片都
▲ 5G 手機在九龍塘開 Live 直播另一部 5G 手機播放的高清滑雪片段，全程清晰無殘影，靚過以前用4G！
跑到達之路後我決定小休一陣，走入又一城商場 Shopping 睇睇即將上影嘅新片 Trailer。由於唔想由頭睇起，小編就將影片由 00:00 時刻一拉拉到中段，手機完全唔駛緩衝就能立即播放，完全感受到 5G 嗰份極速快感。小編記得上次試過喺又一城睇片，嗰時候仲係用緊4G 上網，當我一拉去後段播放時，畫面就會定格好耐，緩衝載入時間好長，同 5G 體驗相距甚遠。之後小編又繼續喺餘下嘅路程開 Live，由又一城商場嘅室內地方走出室外，直播都冇斷線，畫面依然清晰暢順，呢次 3 香港嘅 5G 網絡喺室內同室外方面嘅覆蓋真係做得相當之唔錯。
▲ 跑到中段走進又一城小休
下次小編決定跳出九龍，跑入新界和香港島，到時再開 Live 試一試 3 香港嘅 5G 網絡！
5G 覆蓋率爆增，幾個唔講唔知嘅秘密
3 香港喺香港 5G 網絡發展方面一直緊貼用戶需要，現時覆蓋率達到 99% 更加令到好多人感到驚喜。點解 3 香港嘅 5G 覆蓋可以咁高？背後當然有唔少技術去支持，而家就等小編同大家折解一下：
透過重耕 B1 (2.1GHz) 頻譜提供 5G
香港嘅手機網絡發展十分成熟，4G 網絡早已經遍佈每個角落。而家 5G 服務亦都投入咗半年，各家電訊商都致力提升覆蓋率。想要 5G 好似 4G 咁嘅覆蓋率，原來只需作簡單硬件及軟件升級即可。背後技術主要係重耕 4G 使用嘅 B1 (2.1GHz) 頻譜以用來提供 5G 服務。呢個做法對於室內場所 5G 服務尤其重要，由於室內場所鋪設 N78 (3.5GHz) 頻段嘅 5G 服務需時，透過重耕 4G 使用嘅 B1 (2.1GHz) 頻譜，可適時於室內場所提供 5G 服務。而喺各大網絡商之中，3 香港已經喺極短時間內完成 B1 (2.1GHz) 頻譜重耕 (99% 全港覆蓋)，以15MHz 專屬頻譜為客戶提供最強 5G 網絡。
兼具 N78 (3.5GHz) 頻譜為高人流地帶擴容
可能大家會問，點解要先用 B1 (2.1GHz) 重耕成為 N1 (2.1GHz)，而唔係鋪設密集式嘅 N78 (3.5GHz) 頻譜基站以提升覆蓋率？因為以目前市場上嘅器材及技術來講，重耕 B1 (2.1GHz) 頻譜以提供廣泛的 5G 覆蓋就係最可行及最有效率嘅方案，而 N78 (3.5GHz) 頻譜將優先鋪設於人流及數據流量密集地帶。以 3 香港為例，現時喺最高人流嘅 20% 地點就用緊 N1 (2.1GHz) 同 N78 (3.5GHz) 雙頻段提供 5G 服務。按照 5G 用戶的遞增，N78 (3.5GHz) 的覆蓋將會更好地提供網絡的擴容，以保障更多用戶使用 5G 的高速體驗。
15MHz專屬 5G 頻譜，更佳 5G 體驗
現時有電訊商利用動態頻譜（DSS）技術，將 4G 及 5G 兩個制式共用喺同一段頻譜之上，呢種做法未能夠將頻譜效益全面釋放。故此，3 香港選擇以 15MHz 專屬頻譜去提供 5G 服務，目的係令使用者可以明顯地感受到5G 所帶來嘅優勢，無論在速度或者覆蓋率方面都可以兼顧得到。
資料由3HK提供
