iPhone 12 及 iPhone 12 Pro 兩款型號將率先於 今晚 8 點正式開啟預購，並於下週五正式發售。而今日香港各電訊商已先後出 Plan，繼 CSL Mobile 後，SmarTone 緊隨其後推出 iPhone 12 嘅 5G 上台 Plan，大家又可以比較下啦。
今次 SmarTone 推出嘅 iPhone 12 系列上台計劃有多項重點，首先相信有留意開嘅讀者們都會知，SmarTone 初期推出 5G Plan 時只有一個月費計劃，就係 $398 包 100GB 5G 本地數據。而今次隨住 iPhone 12 推出，再加入一個較低用量嘅新 Plan，就係 $328 包 50GB 5G 本地數據。
其次，恒生信用卡客戶現上台出機更可專享全港獨家額外高達 $300 月費回贈 (共價值$1,300) 及高達 $1,000 機價折扣購買 iPhone 並享免息、免手續費分期，每月低至 $227。
SmarTone 現時嘅 5G 網絡已經覆蓋遍佈全港大部份地方，涵蓋主要商場、港鐵車站及行車隧道等。之前我地亦都測試過，可見採用 Ericsson DSS 技術對於覆訊號覆蓋真係產生好大嘅作用。
