踏入九月，大家最期待嘅新一代 iPhone 又快將推出啦！今年新 iPhone 如無意外將會加入 5G 網絡支援，所以而家揀定一個 5G Plan 就啱晒啦。最近香港幾間電訊商都相繼推出 5G Plan 優惠吸客，而家輪到全港唯一一間採用愛立信 5G 基站嘅 SmarTone 出手，睇下啱唔啱心水！
SmarTone 剛宣佈咗推出 5G 計劃限時升級優惠，新客戶或現有客戶續約/升級選用指定 5G 服務計劃即可享 $1,000 月費回贈或 $1,000 手機及配件折扣，畀大家買 iPhone 12 時可以用。
與此同時，SmarTone 仲推出咗一個「30日無合約體驗」計劃，希望可以畀到大家試下 SmarTone 嘅 5G 網絡先，可見該公司對自己 5G 網絡服務相當有信心啊！
而家新客戶上台、現有客戶加開新號碼並選用指定服務計劃，即可以體驗價享 $398/100GB，無合約試用 5G 全速本地數據，每月另加 $80 即可享無限 5G 數據。如果係一人多機或需要全家同享數據，亦可以按需要隨時申請額外附屬 SIM 咭，自組 Family Plan。
關於 SmarTone 嘅 5G 網絡覆蓋，我地之前亦都做過測試，大家可以參考下呢篇：
