每年一到呢個時間,香港幾家電訊商都會搶閘推出所謂的「新機王優先登記」活動,雖然都冇指名道姓會係邊部新機,但相信大家見到張 Poster 個「背影」都知道就係即將推出嘅新一代 iPhone 12 系列啦。

SmarTone 今日更新咗其 RED Pass 網站,表示即日起任何手機用戶,包括非 SmarTone 客戶均可免費登記索取 RED Pass。透過行使 RED Pass,日後將可更快取得預先登記的旗艦機王,預訂無需落實訂購及繳付任何費用。

同往年玩法一樣,RED Pass 以先到先得的方式去輪候。越早取得 RED Pass,輪候的位置越前。當新手機接受訂購時,SmarTone 就會第一時間以電郵及短訊通知 RED Pass 持有人。屆時,只需於訂購開始後首 48 小時內,行使 RED Pass 落實訂購即可。每個 RED Pass 最多可預訂三部年度機王,大家可選擇自用或轉贈訂機配額。

另外,如預訂並成功出機及登記指定計劃的話,可享「RED Pass專享訂機優惠」包括,高達 3 倍 The Point by SHKP 積分、8 折 The Hood 個人化手機配件,以及高達 $100「果粉課金/買APP」消費回贈。

_______

立即 Follow:Qooah IG (@qooah)Qooah YouTube,八掛產品發佈會現場,睇盡靚靚 Show Girls