WhatsApp 不時出現大大小小的故障，今晚有人發現「Last Seen」(最後上線) 無法顯示時間，原來唔止香港發生，現時全球用戶都收到大量回報話有問題。對於一眾習慣 Check 住女神男神最後上線時間嘅人來講，睇唔到呢個時間真係會成晚籮籮攣。
現時根據專門監測各類網上服務事故的 Down Detector 網站所見，由今晚 (6月19 – 20 日) 大概 12 點開始，世界各地陸續出現大量用戶回報 WhatsApp 出現問題。
根據網友回報所見，大多數是跟「Last Seen」(最後上線) 不能顯示有關，達到 64% 人回報，其次是 27% 回報連線有問題。而同時，不少人亦發現進入 WhatsApp 的私隱設定頁都會出現錯誤訊息。
目前 WhatsApp 官方仍未對此作出回應，相信是跟伺服器出現了某程度的事故有關。不過還好，只是「局部性」。傳送及接收訊息方面可以正常運作，希望 WhatsApp 盡快修復等大家唔駛個心籮籮攣啦。
