SmarTone 自推出 5G 服務以來，一直備受市民關注，事關佢係香港唯一一間採用 Ericsson 5G設備嘅電訊商。點解5月下旬先推出5G嘅佢地可以喺短時間內為香港提供至廣覆蓋？到底有咩優勢？佢地宣傳入面經常提到嘅DSS又係咩？就等我地來同大家深入探討一下。
什麼是 DSS 動態頻譜共享技術？
用 5G 之前，大家不妨了解多啲其背後嘅技術。相信大家都知道，任何無線訊號傳送都需經過特定嘅頻譜 (Spectrum)，而不同嘅頻率就會有不同嘅傳輸速度。現時各電訊商建置 5G 網絡主要會以 3.5GHz 黃金頻段鋪設，貪其速度快而且傳送範圍廣。但 5G 推出初階段，若果純以中高頻段鋪設的話，其覆蓋率必定跟現時應用多年嘅 4G 有所不及。
而 SmarTone 由以往嘅 4G 年代開始，已經全面採用 Ericsson 愛立信基站設備，現進入 5G 世代，繼續維持採用愛立信技術建網，令到 4G/5G 世代轉換之間近乎「零」過渡期。全因為佢地用左Ericsson領導業界嘅「動態頻譜共享技術」(Dynamic Spectrum Sharing，下稱DSS)，於同一頻譜中使到 4G 及 5G 可以無縫連接，而訊號之間切換更做到千分之一秒 (1ms)。
日前， SmarTone 工程部總管梁忠興先生受訪時提到，透過DSS 技術，使其可以利用現有覆蓋全港嘅 4G 2100MHz 頻段提供 5G 服務。由於 DSS 技術令 4G/5G 可以共享頻段，變相令到 SmarTone 5G 於第一階段推出時，就可以獲得全港最廣泛嘅 5G 訊號覆蓋率。佢地連「最難搞」嘅地鐵沿線，仲有沙田至大埔一帶，因與衛星訊號撞咗 3.5GHz 頻段而被禁用，我地俗稱「結界」嘅區域，都收到5G。
實測最聰明 5G 建網方式，結界一衝即破
利用現有全港早已大範圍覆蓋嘅 LTE 2100 (N1) 頻譜提供 5G 服務，到底係咪真係咁掂？我地即刻為大家實測一下。首先，當然就係直踩入「結界」一帶嘅沙田至大埔範圍。
首先，筆者喺觀塘出發，先坐巴士入沙田。沿途基本上大部份時間都收到 5G 訊號，其後來到大佬山隧道，即刻進入第一場大考驗：入隧道 5G 收到嗎？我地全程以錄影記錄手機訊號，無花無假，結果的確無令筆者失望，由入隧道之前至到出隧道全程都可以保持住 5G 訊號連接：
沿途經過各站再拍照記錄一下，包括：
▲ 愉翠苑一帶
▲ 威爾斯親王醫院一帶
▲ 第一城一帶
▲ 河畔花園一帶
▲ 沙田火車站一帶
▲ 入到新城市廣場順手做咗個 Speed Test，由於商場內已經有 5G 鋪設，所以見到下載速度有 332Mbps 都唔錯。
為咗要試真啲由沙田至太和一帶嘅 5G 覆蓋，我地再選擇由沙田搭 72 號巴士直入太和，沿途再記錄 5G 訊號。為咗令大家更清楚位置，今次就開住 Google Maps。
▲ 沿大埔公路一路向太和方向，途中雖然人煙比較少，不過依然接收到 5G 訊號，十分強！
▲ 一路入去
▲ 就到大埔
▲ 入到大埔，5G 訊號依然保持著連線
試完巴士由沙田入到大埔之後，相信大家都可以見到 SmarTone 嘅 5G 覆蓋程度已經打破咗新界一帶嘅 「5G 結界」。為咗「覆查一次」，回程我地再選擇搭火車由太和返回沙田，今次全程以影片拍攝記錄，實行「5G 訊號覆蓋終極大挑戰」，去片：
小結：
今次喺火車上，更加可以體驗到 SmarTone 5G 基於 DSS 技術嘅優勢。沿途雖然有部份位置 (如過隧道)，訊號會由 5G 跳落 4G (或 4.5G)，但可以見到其網絡切換速度正如上文所講，十分之快同埋無縫，令用家體驗好之餘仲可以令手機唔駛經常搜尋網絡而用多咗電。可見，採用 DSS 技術之下，SmarTone 嘅 4G 與 5G 之間已經做到真正嘅無縫連接！
SmarTone 5G 豈止於覆蓋，速度一樣達標
以上所測試嘅主要圍繞喺新界一帶，而 SmarTone 5G 現時是全港覆蓋至廣，所以當然唔止係要打破結界咁簡單。正如以上所講，SmarTone 為咗要將 5G 訊號覆蓋至全港，所以借用咗 LTE 2100 頻段。而 SmarTone 上年亦已投得更多重要嘅 5G 頻譜，包括：50Hz @ 3.5GHz、20Hz @ 3.3GHz、400Hz @ 26/28GHz。以下我地睇睇更多地點嘅速度：
▲ 荔枝角
▲ 觀塘
▲ 中環碼頭
▲ 中環內街
▲ IFC
▲ 銅鑼灣世貿中心
總結：
SmarTone 今次為 5G 次世代網絡技術鋪設可謂「做足功夫」，唔但止利用愛立信嘅 DSS 技術將既有 LTE 2100 頻段令到 5G 可以於最短時間內全港大範圍覆蓋，同時再利用手上已投得嘅 3.5GHz 黃金頻段於商場及其他旺區提供更高速嘅上網體驗。以唔同頻段配合起來，令到 SmarTone 5G 於首階段推出後，無論覆蓋、速度等都可以獲得更高嘅質素體驗，呢點對於普羅大眾用戶來講至為重要。
