唔知係而家啲手機賣得太貴，抑或係大家都窮咗。前年 3HK 夥拍 WeLand 推出手機貸款計劃，畀到大家貸款後分期出機。而今日，擁有放債人牌照嘅香港電訊 HKT 更加直接推出自己嘅貸款新平台，叫「HKT Flexi」。
據 HKT 介紹，今次個「HKT Flexi」服務主要由手機程式運作，透過 HKT Flexi App 只要簡單利用面部識別技術去完成數碼化開戶，成功開戶後就可以申請分期付款服務。
「HKT Flexi」適用於香港電訊、1O1O 或 csl 專門店購物，透過應用程式以專屬個人化利率申請 12 個月分期計劃。而 HKT Flexi App 亦設有貸款計算機，可以查看每月還款額。據程式顯示，每月還款金額按實際年利率為 7.48% – 22.19%。
有新服務推出就當然有優惠推廣跟隨，如下：
由即日起至2020年8月31日的推廣期內，HKT Flexi客戶於指定香港電訊、1O1O或csl專門店使用HKT Flexi App購買任何智能手機、高清電視機、手提電腦或其他電器，即可享高達港幣300元直接折扣，及賺取高達1,250 Club積分。此外，客戶簽定任何csl 5G服務計劃更可獲得流動通訊服務月費額外回贈。
有冇需要貸款買機就真係好視乎大家需要啦，可以分期就一定輕鬆好多。但要留意始終係「貸款」而非「免息分期」，所以一定少不免會有利息服務費，所以都係要列牌地講返句香港政府嘅忠告：借定唔借，還得到先好借！
詳情可以睇返官網資料了解下條款細則：按呢度
