近年講起拍攝手機,相信好多人第一時間都會諗起 HUAWEI,因為佢旗下所推出嘅型號,無論係 Mate 系列或者 P 系列,拍攝力都十分強大。今年剛推出嘅 P40 Pro 再次問鼎 DxOMark 最高評分寶座,實力受到肯定。今次我地亦都為大家解構一下 P40 Pro 嘅拍攝能力,當中 AI 功能確實令人嘖嘖稱奇。

認識 HUAWEI P40 Pro 鏡頭模組

首先我們溫習一下 HUAWEI P40 Pro 所配備嘅鏡頭模組,包括採用超感知 Leica 四鏡頭,加上 1/1.28 吋超大 CMOS 感光元件、採用 2.44 μm 大單位像素呎吋。四鏡頭方面,分別是一個配備 5,000 萬像素超感知廣角鏡頭、一個 4,000 萬像素超廣角電影鏡頭、一個 1,200 萬像素超感光長焦鏡頭、以及一個 3D 景深鏡頭。

▲ 後置長焦鏡頭採用標誌性的潛望式設計並加以優化,支援 5 倍光學變焦,效果比一般 5 倍混合式光學變焦更優勝。廣角鏡頭及長焦鏡頭均支援 RYYB (紅黃黃藍) 感光技術,加上兩個鏡頭的 OIS 光學加 AIS 雙防震功能,低光拍攝表現相當出色。

HUAWEI P40 Pro 採用 3,200 萬像素前置鏡頭,DxOMark 給予目前手機中最高的自拍分數 103 分。支援自動對焦功能,配合前置景深鏡頭,自拍時可營造出散景效果,令自拍更加迷人。

以下為大家提供一系列測試相片:

手持穩定,低光拍攝表現出眾

▲ 日落黃昏係大家最常拍攝嘅題材,呢類照片睇落好似好簡單,但對於攝影器材表現相當大考驗。因為低光之下要做到畫面曝光整體適中,逆光之下前景唔會太過 Under,否則可能天空曝光準確但前景就會昏暗失去細節。HUAWEI P40 Pro 對於黃昏呢類拍攝處理得相當清脆利落,大家手持手機一按快門就可以獲得一張好照片。

▲ 另一張黃昏低光下拍攝,前後景及光線更為複雜,可見 P40 Pro 自動 HDR 模式十分強大,植物以至到大廈細節都十分多細節,加上顏色表現亦忠於當時嘅氣氛,令人睇得舒服

▲ 再到夜景,開啟 P40 Pro 夜景模式之下,就算手持 5 秒或以上曝光拍攝都十分之穩定,無須用腳架都可以拍到十分出色嘅夜景照片

倍光學、10 倍混合變焦

▲ 測試後置潛望鏡頭變焦能力,可見十分之強大 (按圖放大)。當拍攝遠物時,1倍變焦下可以獲得廣角視覺效果,但遠物就變得很細睇唔清楚。我地試下用 5 倍光學變焦,遠處招牌開始可見,再到 10 倍混合變焦時已經可以清楚見到招牌文字。最後再用最大嘅 50 倍數碼變焦,原本細到睇唔到嘅招牌立即重現眼前,而且可以見到成像效果夠實淨,文字唔會因多倍數變焦而變得矇糊。

廣角、標準、大光圈,隨手拍到好照片

要拍出好照片,可以涉及非常多嘅技術以及技巧,但手機拍攝講求就係要「隨手可得」,所以輕鬆按下快門可以獲得一張出色嘅照片就更為重要,呢方面 P40 Pro 絕對做得到,以下大家可以睇睇我地嘅實拍例子:

▲ 超廣角拍攝 I

▲ 超廣角拍攝 II

▲ 標準鏡拍攝 I

▲ 標準鏡拍攝 II

▲ 大光圈模式拍攝 I

▲ 大光圈模式拍攝 II

▲ 大光圈模式拍攝 III

神奇 AI 大師,路人移除、反光消除

P40 Pro 除咗鏡頭模組強大之外,AI 人工智能模式更加令人嘖嘖稱奇。今次我地測試咗「路人移除」以及「反光消除」。前者原理係,當按下快門後系統會拍攝一連串照片,然後透過 AI 運算將意外入鏡嘅路人移除。睇睇以下示範:

▲ 好多時,當我地拍照時身後總不時有路人經過

▲ 按一下編輯,再按一下「路人移除」,身後的伯伯立即不見了!

▲ 再來係「反光消除」,好多時拍攝玻璃櫃裡邊嘅產品時,都會有好多反光破壞照片可觀性

▲ 立即按一下編輯,再按一下「反光消除」,可以見到手袋上嘅反光位被 AI 移除,輕鬆修正照片

4K 手持拍攝、4K 縮時攝影測試

正如上文提到,P40 Pro 備有兩個鏡頭的 OIS 光學加 AIS 雙防震功能,所以對於手持拍攝有相當大嘅幫助。加上,支援 4K 錄影令畫質大大提升,今次就為大家測試一下 (請先按設定開啟影片的 4K 畫質播放,以獲得最高質素):

▲ 手持上斜路,可見鏡頭防震能力表現十分穩定,非常 Smooth

▲ 4K Time Lapse 縮時攝影,4K 超高畫質表露無遺

立即 Follow:Qooah IG (@qooah)Qooah YouTube,八掛產品發佈會現場,睇盡靚靚 Show Girls