5G 可以說是營運商必爭之戰場,香港四大電信營運商亦已經陸陸續續推出他們旗下的 5G 網絡服務,而今日最大營運商香港電訊亦公佈了他們自己的 5G 服務計劃。

香港電訊 5G 服務推出首階段時,網絡能無縫覆蓋主要黃金地區,包括銅鑼灣、灣仔、金鐘、中環、上環、尖沙咀、佐敦、油麻地、旺角、紅磡及土瓜灣;指定 14 家 csl 及 1O1O 專門店;主要基礎設施如香港國際機場;大型商場包括太古城中心、海港城、國際廣場、K11 購物藝術館、K11 MUSEA、MegaBox、美麗華廣場及太古廣場等。太古廣場及太古城中心更已計劃短期內提供全面的 5G 覆蓋。香港電訊會繼續伸延網絡覆蓋至全港各區及主要港鐵線路。

暫時可能覆蓋地方有限,但最重點的一定是價格,究竟香港電訊旗下的 csl. 同 1010 價格又是如何?我們即去睇睇。

 

csl. 最基本是 HK$198起,不過只提供 8GB 5G 數據,在 5G 年代估計睇 4K 片一陣就可以燒晒,所以只可以講係叫做有 5G 用,但基本上唔可以盡情享受。估計最少要去用到 HK$398(80GB) 個 Plan 先叫有用。不過用得電盈總有送,今次主打有 Now E 英超西甲 2020/21 4K 通行證(價值:$1,680),但要用 HK$398 或以上嘅 Plan 先有。

 

 

轉睇 1010,5G Plan 起步價 HK$299,亦都只有 8GB,所以都係「吊癮Plan」,如果真心想享用 5G「享受Plan」就要去到 HK$459(80GB),HK$459 起同樣有送 Now E 英超西甲 2020/21 4K 通行證(價值:$1,680),睇落就好似 1010 貴多少少,不過尊貴 1010 用戶梗有唔同,多咗:4日航空數據漫遊日費;4日數據漫遊日費;免費升級至 The Club 白金會籍 2年。值唔值就見仁見智。

兩間「買機上台」價其實大同小異,所以就唔詳細講了。

_______

立即 Follow:Qooah IG (@qooah)Qooah YouTube,八掛產品發佈會現場,睇盡靚靚 Show Girls