暫時最平 5G 價？CMHK 公佈 5G 月費，$298 起有 100GB！

距離 5G 於 4 月 1 日頻譜正式生效仲有 10 日左右，現時各電訊商都密鑼緊鼓迎接呢一日嘅到來。繼月初時 3HK 搶先其他電訊商一步公佈 5G 月費收費後，今日 CMHK 亦都早過 CSL (下午公佈) 少少公佈計劃收費。

相比起 3HK 嘅公佈月費定價，CMHK 顯得更加進取。包括 $438 可享100GB 5G 本地數據、$538 可享 200GB 數據及 $638 可享 300GB 數據。

留意：如果係上台簽約嘅話就有合約優惠價，100GB、200GB、300GB 分別係港幣 $298、$398、$498。即係話，最平 $298 就用到 5G Plan。

除此之外，CMHK 為令更多可以體驗 5G 服務，提供咗一個體驗計劃。只需港幣 198（原價港幣 338）便可享 30GB 5G 本地數據。5G 服務計劃將於 4 月 1 日推出，除數據外，正式推出時相信將有更多增值服務，屆時再為大家密切報導。

詳情可參閱 CMHK 官網 5G 計劃詳情